Limit niyə tükənir
- Model hər sual üçün bütün söhbəti yenidən oxuyur.
- Alət nəticələri, loglar və JSON çıxışları söhbətin içində qalır.
- Agent hər yeni sessiyada kod bazasını sıfırdan tanımağa başlayır.
- İstəmədiyiniz kod yazılır, sonra o kod da kontekstə düşür.
Yəni limit dörd fərqli yerdən yeyilir. Aşağıdakı alətlərin hər biri bunlardan birini bağlayır. Reeldə dördünün birlikdə sadalanmasının səbəbi budur.
01 · Headroom
Claude-a çatmazdan əvvəl sıxışdırır
Sizinlə model arasına girir və lazımsız məzmunu Claude-a çatmazdan əvvəl sıxışdırır. Kitabxana, proxy və ya MCP server kimi işləyə bilir.
github.com/headroomlabs-ai/headroom (GitHub-da aç)
Quraşdırma
uv tool install --python 3.13 "headroom-ai[all]"
pip install "headroom-ai[all]"İki əmrdən biri kifayətdir. uv yolu alət üçün ayrıca mühit qurur, ona görə sistemdəki Python-a toxunmur.
Rəqəm
README-si JSON məlumatında 60-95%, kodlaşdırma agentlərində isə 15-20% az token vəd edir. Bu, alətin öz iddiasıdır, biz ölçməmişik.
Nə vaxt lazımdır
Alət nəticələri, loglar və JSON cavabları uzun olanda. Yəni söhbətin yarısı maşın çıxışıdırsa.
Diqqət. GitHub-da eyni adlı başqa layihələr də var. Sıxışdırma edən yuxarıdakı ünvandır, başqasını quraşdırsanız heç nə qazanmayacaqsınız.
02 · Graphify
Kodu hər dəfə yox, bir dəfə oxuyur
Kod bazasını bilik qrafına çevirir və Claude-un hər sessiyada kodu yenidən oxumasının qarşısını alır. Qraf faylda qalır, sessiya bitəndə itmir.
github.com/Graphify-Labs/graphify (GitHub-da aç)
Quraşdırma
pip install graphifyy && graphify installPaketin adı graphifyy-dir, iki y ilə. Əmrin özü yenə graphify-dır. macOS-da pip xəta verirsə, pipx install graphifyy işlədin.
Rəqəm
README-si xam faylları oxumaqla müqayisədə sorğu başına 71,5 dəfə az token deyir. Bu, alətin öz iddiasıdır. Bizim öz ölçməmiz aşağıdakı bölmədədir.
Nə vaxt lazımdır
Layihə böyükdür və eyni suallar təkrar-təkrar verilir.
03 · CodeBurn
Xərclərin bank çıxarışı
AI ilə kodlaşdırma xərcini göstərir. Bank çıxarışı kimi düşünün: pul hara getdi, hansı modelə, hansı layihəyə.
github.com/getagentseal/codeburn (GitHub-da aç)
Quraşdırma
npx codeburn
npm install -g codeburnnpx variantı heç nə quraşdırmadan bir dəfəlik işə salır. Daimi istifadə üçün ikinci əmri seçin.
Rəqəm
Burada qənaət faizi yazmırıq, çünki bu alət ölçür, qənaət etmir. Dəyəri ondadır ki, qalan üç alətin nəticəsini yalnız o göstərə bilir.
Nə vaxt lazımdır
Ən birinci bunu quraşdırın. Nə qədər xərclədiyinizi bilməsəniz, qalan üç alətin nə verdiyini də bilməyəcəksiniz.
04 · Ponytail
Yazılmayan kod token yandırmır
Agenti daha az kod yazmağa yönəldir. Ən ucuz token yazılmayan tokendir, ona görə bu alət problemə digər üçündən fərqli tərəfdən yanaşır.
github.com/DietrichGebert/ponytail (GitHub-da aç)
Quraşdırma
/plugin marketplace add DietrichGebert/ponytailBu əmr terminalda yox, Claude Code-un içində yazılır. Codex və Copilot üçün repozitoriyada ayrıca sətirlər var.
Rəqəm
README-si təxminən 54% az kod, 20% ucuz və 27% sürətli nəticə deyir. Ölçmə 12 tapşırıq üzərində Haiku 4.5 ilə aparılıb, n=4. Bu, alətin öz testidir, biz təkrarlamamışıq.
Nə vaxt lazımdır
Agent sizin istəmədiyiniz şeyləri qurmağa başlayanda.
Diqqət. Videoda bu alətə vaxt çatmadı, ona görə burada yazılanların hamısı repozitoriyanın README faylından götürülüb, öz təcrübəmizdən deyil.
Ölçmə
Bunu öz kod bazamızda ölçdük
Öz Instagram proyektimizin qrafını qurduq: 164 fayl, təxminən 568 min söz.
Bir dəfəlik xərc 1.248.812 giriş tokeni oldu. 15 agent işlədi, agent başına orta hesabla 83.254 token.
Nəticə: 2.222 node, 4.862 kənar, 125 icma. Çıxarışın 92%-i mətndən birbaşa götürülüb, 7%-i nəticə çıxarmaqla alınıb.
Nə nəyə başa gəldi
| Nə | Token |
|---|---|
| Cəmi, 15 agent | 1.248.812 |
| Agent başına orta | 83.254 |
| 1 şəkil, öz agentində | 74.979 |
| 8 şəkil, bir agentdə | 79.685 |
| 6 şablon SVG, nəticə 6 node | 67.704 |
| 15 sənəd, nəticə 107 node | 186.296 |
Dürüst qeyd: 1.248.812 rəqəmi 15 agentin real cəmidir. Bir müddət 1.102.516 rəqəmi də görünürdü: o, birləşdirmə zamanı əl ilə yazılmış səhv idi və düzəldilib.
İşləməyən üç şey
- Bir hazır kitabxana faylı qrafın 32%-ni tutdu, 721 node. Heç birinin mənası yox idi.
- 6 şablon SVG 67.704 tokenə başa gəldi və cəmi 6 node verdi.
- Tək şəkil öz agentində 15-26 node çıxarır. 8 şəkli bir agentə yığanda şəkil başına 1 node qalır. Ucuzdur, amma boşdur.
Nəticə: qiyməti faylların ölçüsü yox, agentlərin sayı müəyyən edir.
Nə vaxt işə yaramır
- Kod yazmırsınızsa, bu alətlərin heç biri sizə lazım deyil.
- Kiçik proyektdə qraf özünü ödəmir: bir dəfəlik xərc verəcəyiniz suallardan böyük olur.
- Qraf statikdir. Kod dəyişəndə köhnəlir və yenidən qurulmalıdır.
- Limit tokenə görə yox, saata və ya plana görə gəlirsə, sıxışdırma onu qaldırmır.
- Dörd rəqəmin üçü alətlərin öz iddiasıdır. Biz yalnız Graphify-ı öz kod bazamızda ölçdük.
Kod yazmırsınızsa
Rəqəmini gizlədən, rəqəmindən utanır
Bu səhifəni oxuyub "mənə lazım deyil" dedinizsə, bir şey qalır.
Biz öz qrafımızın 1,2 milyon tokenini burada açıq yazdıq: nə qazandırdığını da, nəyi boşa çıxardığını da.
Saytınızı quran komanda da sizə eyni cür hesabat verməlidir: neçə səhifə, neçə gün, nə işləmədi.
Saytınızın hansı səhifəsinin sizə müştəri gətirdiyini bilirsinizmi?
