MEPCO

Müştəri

Mepco MMC Bakıda elektrik və mexaniki bina sistemləri üzrə işləyən mühəndislik şirkətidir: yanğından mühafizə, elektrik, zəif cərəyan, havalandırma və iqlim, BMS, su və kanalizasiya, təbii qaz və səs izolyasiyası. Layihələndirmə, konsaltinq, quraşdırma, sınaq və istismara vermə, texniki xidmət göstərir.

Problem

Şirkətə developer və baş podratçılar üçün işini aydın göstərən, iki dilli və məzmunu özünün idarə etdiyi yeni sayt lazım idi. Sayt 8 sistemi və 5 xidməti sadə dildə izah etməli, referans layihələri və lisenziyanı göstərməli, sifarişçini çertyojla sorğuya bir addımda gətirməli idi.

Həll

• Dizayn: ağ fon, loqonun petrol-mavi rəngi və bir şrift ailəsi. Daxili səhifələr foto bannerlə açılır, bölmələr ağ və açıq boz növbələşir.

• Foto slayder: ana səhifə tam ekran fotolarla açılır: foto yavaş yaxınlaşır, mətn sətir-sətir görünür, slaydlar 7 saniyədən bir dəyişir, telefonda barmaqla sürüşdürülür. Hər slayd bir sistemə bağlıdır, slaydları şirkət paneldən özü dəyişir.

• Sistemlər və xidmətlər: "Sistemlər" menyusu 8 sistemin hamısını ikon və qısa təsvirlə tünd mega menyuda açır. 5 xidmət ana səhifədə dairəvi fotolarla göstərilir, hər biri öz bölməsinə aparır.

• Layihələr və sertifikatlar: 19 referans layihə sistem və sektor filtri ilə. Yanğından mühafizə üzrə xüsusi lisenziya sertifikatlar səhifəsindədir, sertifikat fayllarına MEPCO su nişanı avtomatik vurulur.

• Sorğu: sifarişçi formaya çertyojunu əlavə edib göndərir, faylın yüklənməsi proqres çubuğu ilə görünür. Zəng sifarişi WhatsApp-ı hazır mesajla açır, telefonda isə səhifə sürüşdürüləndə ekranın altında "Zəng et", "WhatsApp" və "Sorğu" düymələri çıxır. Karyera səhifəsində CV forması var.

• Admin panel: slaydlar, layihələr, sistemlər, xidmətlər, sertifikatlar, vakansiyalar, brendlər, bütün mətnlər, gələn sorğular və CV-lər bir paneldən idarə olunur, dəyişiklik saytda dərhal görünür. Ana səhifədəki rəqəmlər əl ilə yazılmır, bazadan hesablanır.

• İki dil və dayanıqlıq: Azərbaycan və ingilis dilləri, ünvanlar hər dildə öz adı ilə. Köhnə saytın ünvanları yeni səhifələrə yönləndirilir, API dayansa da sayt son məzmunla açılır.

Nəticə

15 oktyabrda başlayan iş 3 noyabr 2026-da mepco.az-da canlıya çıxdı. Saytda hər dildə 35 səhifə var: 8 sistem, 19 layihə, xidmətlər, sertifikatlar və karyera. Şirkət slaydları, layihələri, sertifikatları və mətnləri proqramçısız özü yeniləyir.